Mizo Elite News hi ṭha i tihzawng a nih chuan min lo Follow dawn nia

Lil Nas X ‘Satan Shoes’ siamchhuah in sawisel a hlawh, Nike te an lungawilo

Music Video pui tak a chhawpchhuah hnu ah “Old Town Road” artist Lil Nas X chuan streetwear company MSCHF nen thawkdun in Satan pheikhawk an tih mai “Satan Shoes,” chu an siamchhuak ta rup mai.

He pheikhawk siamchhuah thar hian lawm ai in lawm loh a hlawh hle dawn a ang hle a, a bikin Christian sakhaw vuan tu te tan phei chuan a lungawithlak loh viau. Sawisel pawh a hlawh nasat phah hle.

Pheikhawk hi a landan ringawt ah chuan Nike Air Max 97s modified a ni mai a,pentagram pendant a cheiin setanic sign tam tak a inzep thleh thluah hlawm. Mihring thisen ngei telh a ni bawk bakah Bible chang Luke 10:18 a van atanga Satan paihthlak a nih thu kha tarlan a ni.

Chuta chhap ah pheikhawk hi 666 bun chiah siamchhuah a ni a, $1,018 man a hralh tur a ni. Nike kutchhuak nen thuhmun nia a lan vang hian Nike te ngei pawh an hmingchhiat phah hle a, amaherawh chu Nike te hi an rawn insawifiah nghal.

Little Nas X emaw MSCHF te nen inzawmna kan nei lo a, Nike in heng pheikhawk hi a design in a tichhuak lo hrim hrim a, inremna engmah kan nei lo tiin statement an chhuah.

MSCHF te hian Satan pheikhawk bakah “Jesus Shoes,” an siam tel a, “Jesus Shoes,” ah ve thung chuan Jordan luia tui thianghlim holy water hmang in an luan a ni.