Mizo Elite News hi ṭha i tihzawng a nih chuan min lo Follow dawn nia

Biden Administration Ten Burmese Tan US Ah Humanitarian Protection A Pe

Myanmar chanchin in min chiah hneh hle a, chanchin hriat tam leh rilru a na in a thinrim thlak em em zel zawng a ni. Dikna tan a zalenna duh tu pawisawilo tam tak in an nunna an chan phah tawh.

Myanmar sipai te chet dan nunrawng tak hian ram dang thin pawh a khei hle a, ramchhung buaina mah nise en liam sak mai zawng a har sa. UN lam te lah ah che chhuak thei tha thum silo. An tawrhna hi a nasa em em zo zai.

Zirtawpni khan US ten Myanmar mi leh sa te tan thu lawmawm an khawng ri. The Biden administration chuan Myanmar mi leh sa te tan venhimna tur humanitarian protection a pe ta rup mai.

Myanmar ah hian sipai ho civilians laka rawng taka an chet vangin tuna Military coup awm mek Burmese nation, US a la chambang mekte tan la awm chhunzawm zel phalna a pe.

Homeland Security Secretary Alejandro Mayorkas chuan Myanmar mi leh sa Temporary Protected Status hi a pharh a, he humanitarian protection hian thla 18 chhung a huam ang. Myanmar mipui US a awmte chu an la chen ve zel phal sak an ni.

“Civilians te lakah military coup leh security forces ten nunrawn an chhuah a, Burma mipui ten hmun hrang hrang ah buaina leh natna an tawk mek a ni” tiin Mayorkas hian statement ah a sawi a, Myanmar mipui an zinga khawsa te chu lo kuangkuah an remtih thu a puang.

February 1 atang Sipai thu neihna hnuai ah Myanmar ram hi a awm a, heta tang hian nitin thi an la awm deuh ziah bawk a, pawisak nei lek lo khawp in sipai te hian lalna an chelh.