Mizo Elite News hi ṭha i tihzawng a nih chuan min lo Follow dawn nia

Ram Tan A Nun Hlan Tu Hmeichhia Kum 19 In Mite Thinlung A Hneh

A ram tan theihtawp a bei in zalenna sualchhuah ngei tuma ke a penna ah chuan a nunna ngei in a tawrh phah ta si.

Hmeichhia kum 19 lek a upa Angel tia koh Kyal Sin a hriat bawk hi Nilaini a Myanmar a anti-coup protesters ah kawngzawh in a ram tan a thawkchhuak ve.

Amaherawh chu vanduaithlak takin Angel hian kawng a zawhna ah hian silai mu dawng fuh zingah a tel palh hlauh mai a, a lu ah kah a ni. Hei vang hian a hliam tuar lovin a nunna a chan zui tih hriat a ni bawk.

Angel hi dancer leh taekwondo champion a ni nghe nghe a, kawng zawh tura a inbuatsaih hian nunna chan huam tak meuh meuh in ke a penchhuak. A chhuah hma in Lehkha ah a blood group zawng zawng te ziak in vanduaina alo tawk ta a nih chuan a taksa tha lai te chu midang mamawh tu te tan a hlan thu an sawi a ni.

A chunga vanduaina thleng tur hi Angel hian a hre lawk emaw tih theih tur a ni a,a thian pakhat Kyaw Zin Hein chuan Social Media a a message hnuhnung ber a copy ah chuan “Tun hi ka sawi theih hnuhnung ber pawh a ni thut thei a,ka hmangaih em em che a ni tih hi theihnghilh ngai suh” alo ti.

He hmeichhe tumruh tak mai, a ram tana a nunna chan tu hian a ram mipui mai bakah khawvel huap in mi thinlung ah thu a sawi a, kawng zawhna a a kawr hma a thu inziak langsar tak ‘Everything Will Be OK’ tih chu Social Media ah a lar zui nasa hle bawk.