Mizo Elite News hi ṭha i tihzawng a nih chuan min lo Follow dawn nia

India Ramin Zalenna A Hmuh Atang Hmeichhe Khaihlum Hmasak Ber Tur

Mathura district jail chuan India ramin zalenna a hmuh atanga hmeichhe khaihlum hmasak ber tur ah ruahmanna an nei mek tih TOI chuan a tarlang ta rup mai.

Shabnam Ali, 38 hi a chhungte ho a nu leh pa leh unaute mi 7 lai a thah vangin thiam loh chan tir a ni. Kum 2008 khan Shabnam hian laichin mi 7 te chu an chenna Amroha ah an ei tura damdawi ruih theih telha a hrai hnuin a that vek. Amroha hi state capital, Lucknow atang 380km a hla awm a ni.

A chhungte a tihhlum chhan ah hian Shabnam hian mipa hmangaih a nei a, inneih pawh an tum. Mahsela a mipa hmangaih hian hnathawh mumal pawh neilo a day labour ve mai chauh a nih vangin a chhungte chuan an duh pui lova an pawm thei lo hul hual. Mahse Shabnam chuan a bialpa chu a hmangaih em em si a, a hmangaih luat vangin a chhungte ngei chu an nunna an laksak ta a ni awm e.

2010 khan Shabnam hi thi tura a chungthu ngaihtuah a lo ni tawh. Mahse 2015 ah India’s Supreme Court ah a chungchang hi an ngaihtuah tha leh. 2016 khan Shabnam’s “mercy petition” hi president Pranab Mukherjee in a hnawl tawh bawk.

A hremna atana khaihlum hi a thleng ngei a nih chuan Shabnam hi British awpna a India in 1947 a zalenna a hmuh atang hmeichhe khaihlum hmasak ber a ni dawn ta a ni.

Uttar Pradesh’s Amroha a Court in Shabnam khaihlum tur hun leh ni chiah erawh an la puang lo.Mathura Jail erawh khaihlumna nei tur hian an inpeih tawh tih an sawi. Tual a thah lai hian Shabnam hian thla 7 a upa nau a pai lai mek a nia, a fapa hi tunah chuan kum 12 a ni tawh bawk.