Mizo Elite News hi ṭha i tihzawng a nih chuan min lo Follow dawn nia

Nu Berin A Fate 5 A Thah Hnuah An Chenna In Hal In Amah A Intihlum Zui

Chhungkaw pakhat te chunga thil thleng hi awih a har khawp mai. West Virginia ah nu ber chuan a fate 5 nunna a laksak hnuah an chenna in halin amah leh amah a intihlum tih hriat a ni.

Nu ber hi Oreanna Myers, 25 a nia, silai hmanga a kahhlum tak a fate 5 zinga 3 hi a fa dik tak an ni a, a dang pahnih te erawh a pasal fa bik an ni. An hming Shaun Dawson Bumgarner, 7, Riley James Bumgarner, 6, Kian Myers, 4, Aarikyle Nova Myers, 3 leh Haiken Jirachi Myers, 1 an ni.

He thil rapthlak thlen hun hi kum kalta December khan niin Greenbrier County Sheriff Bruce Sloan sawidanin Myers hi a pasal lakah a lungawi zan lo. A chhan pawh a pasal hian inkalpawhna harsat vangin a hnathawh laiin in lama hawn aiah a chhungte kiangah a awm a, hei vang hi ni berin an hria.

Myers hian a fate leh amah a intihhlum hma hian a pasal hi a text bawk. A pasal chu in a a hawn hunah an ruang hmuh ah alo vau lawk a, amaha sual chu a do let zo ngang lo tih sawiin a fate zawng zawng thatin amah a intihhlum bakah an chenna in chu a hal kang ta hluah a ni.

Naupang ruang te hi an lu ah silai a kahna hliam an hmu theuh hlawm. Chhungkaw nu ber thil tih atan chuan awih a harsa zawk khawp mai.

DM