Mizo Elite News hi ṭha i tihzawng a nih chuan min lo Follow dawn nia

Christmas Thilmak Thlengin A Pa Homeless A Awm Chu Kum 11 Hnuah A Zawng Hmu

Hripui avang hrim hrim pawhin kum 2020 hi chu kum tha leh kum duhawm tia sawi chi zia zang a nilo a. Hetih lai hian thenkhat tan erawh Christmas thilmak tih loh theih loh a thleng thung.

Liverpool a awm kum 23 a upa Jason Kelly chuan rei tak a hmuh tawh loh a pa homeless a awm thin David chu zawngchhuak in kum tam hnu ah dam takin an inhmu leh.

Jason hian a pa a hmuh hnuhnun ber tum chu kum 12 lek a nih laiin a ni a, a nu leh pa te inkar boruak a chhiat hnu ah inthenin a pa David hian an chenna in a chhuahsan a chuta tang chuan chanchin an inhre zui tawh lo.

David an in a chhuahsan hnu hian awmna tur mumal pawh neilo in kawtthler ah te hun a hmang lawp lawp a ni. Hun tam a liam hnu ah tunhnai khan Jason hian a pa hmuh leh tum hian a bei thar leh a, a pa David thlalak te chu Media ah phochhuak in mi thenkhat ten Jason hnenah a pa chu an hriat thu hrilhin beiseina thar an siam sak a ni.

Christmas thlen hma ni chiah December 24 khan a pa awmna nia an sawi ah chuan a kal a, mahsela a pa erawh alo awm lo. Haw tuma a inbuatsaih laiin a pa kir lam nen chuan an in tawng ta a ni.

Jason hian a pa tlan a hmuh rual chuan a fapa a nih thu a hrilh a,a pa pawh in rei tak a hmuh tawh loh a fapa ngei kha a ni tih a hrechhuak leh thei. Jason chuan a pa nen an intawnna chu “Christmas miracle” tih hialin a sawi nghe nghe.

IT