Mizo Elite News hi ṭha i tihzawng a nih chuan min lo Follow dawn nia

Dr. APJ Abdul Kalam Lim Tifai A Enkawl Thin Tu Homeless Pa Chu Thikthu Chhiatna Vangin Thah A Ni

Kerala a mipa pakhat chenna in pawh neilo, former President of India, Dr. APJ Abdul Kalam lim (statue) tifai a zahna lantir thin tu chu thah a ni tih hriat a ni.

Boralta hming hi Shivadasan tia koh leh hriat a ni a, chenna mumal nei lovin khawlai ah alo khawsa tawp. Shivadasan hi kar kalta khan Marine Drive, Kochi ah thi in an chhar a, amah hi kum 63 a upa niin an sawi.

A tirah chuan a thihchhan ah natna pangngai niin an sawi a,mahse a taksa ah thil eng emaw dik lo deuh an hmuh hnuin Police ten Investigation an neihah Shivadasan hi midang kut tuara thi ngei tih chu an pawm nghet ta a ni.

Shivadasan hi Kollam district a mi niin Kochi ah hian kum rei vak lo liam ta atang a awm. Amah hi carpenter a ni bawk a, mahsela chhungte belh tur a nei lo nge khawlai ah khawsa in homeless in a awm tlat. Former President of India Dr APJ Abdul Kalam ngaisang em em tu a ni, Kerela ah vawi hnih lai hmaichhan in a lo hmu tawh nghe nghe.

A thih hnu ah pawh a ngaihsanna chu a reh thei chuang lo. former President of India Dr APJ Abdul Kalam lim (statue) a hmuhin a kalsan thei tawh lo.President hlui famta lim hi a enkawl deuh chawt a, a hmun te a tihfai bakah lim (statue) hnaih a mi pangpar te lakhawm in alo chei thin bawk. Hei hi a nitin hna a ni chhunzawm ta a, a boral hma thleng khan la enkawl in kum 3 aia tam mah chu tihian hun alo hmang a ni.

A thil tih ropui tak avangin Local Media leh Social Media ah a lar nasa hle. Mi thenkhat ten pawisa a tanpui theih an beisei thu leh chenna in pek hial an duh thu te an sawi nuk hlawm bawk. Amaherawhchu hetih lai hian khawlaia cheng ve midang pakhat Rajesh inti chuan lo thik in pawisa te a dil thin tih hriat a ni.

Rajesh chuan Shivadasan hi Social Media ah a hmingthan leh mite fak a hlawh nasat vangin a thik luat chuan a nunna hial laksak duh turin a siam phah an ti a ni.