Mizo Elite News hi ṭha i tihzawng a nih chuan min lo Follow dawn nia

A Bialnu Fapa Mitdel Leh Piangsual Chu A Sawp Hlum

A va han lainatawm tak em. Khawngaihna leh lainatna reng neilo in a bialnu fapa nunna a laksak.

Missouri pa pakhat Yoshuah Dallas, 24 tia koh chuan a bialnu fapa kum 5 leka upa khaw hmu theilo a mitdel leh piangsual chu na taka kut lo thlak in, a bialnu fapa hian a hliam tuar zo lo hian a boral phah tih hriat a ni.

Mipa naupang hi a hming Jamarion Delancy a nia, Police te sawidan in he thil thlen hun hi kar hmasa mai khan niin Jamarion Delancy hi a nu chuan a fa pathumna tur a hrin hlanah a bialpa Dallas kiangah hian a unaunu hmeichhia kum 7 mi nen 1700 block of Chiquita Terrace, north St. Louis County a an chenna in ah a kalsan a, nau a hrin lawk hlana lo enkawl turin a hnuchhiah.

A nu Auniaye in nau a hrin hlan hian a bialpa Dallas hian a fapa hi thihna khawp hial in alo hliam a, a pum ah hliam tuar in a thin (liver) hial a khawih thlen bakah a ruh a tliak tel bawk. St. Louis Children’s Hospital ah a hliam te enkawl tur hian luhpui ni mahse a hnu darkar reilo ah a boral tih an sawi.

Investigation an neih ah chuan Jamarion hian a thin mai bakah a ril (intestine) lam thlengin hliam a nei tih hriat a ni zel a,a hmai leh ka chhung ah te pem a nei bawk.Matt Crecelius, of the Fraternal Order of Police chuan Fox News hnen ah thil thlen laia awm ve Jamarion unaunu pawh rilru lamah nasa taka thil thleng hian a nghawng thu a hrilh bawk.

Jamarion hi mitdel a nih mai bakah a ke ah braces vuahsak a ni bawk nen mahni lo indang let turin a thei lo hrim hrim a, tawrh ngawt mai loh chu atan kawng a awm lo an ti. Dallas hi St. Louis County Justice Center ah hruai niin $250,000 bond an siam sak a St. Louis County investigators ten mipa naupang Jamarion Delancy pual hian a vuina senso tur ah online fundraiser launch a ni bawk.

MailOnline