Mizo Elite News hi ṭha i tihzawng a nih chuan min lo Follow dawn nia

M’sian Hmeichhia Kum 20 Lek Chu Singapore A A Hnathawhna Ah An Boss In A Tih Hrehawm Em Vangin A Intihlum

A chhungte chuan an fanu thihna hi en lian mai mai an tum lo a, an fanu thihna a rorelna dik tak hmu ngei turin beihlet an tum hle a ni.

Malaysian hmeichhia kum 20 a upa Catrene Khoo hi nikum 2019 December thla khan amah leh amah a intihlum a, a intihhlum chhan ah hian a hnathawhna Company te chu mawhphurtu a puh an ni.

Catrene Khoo chanchin lungchhiatthlak tak hi Facebook Page pakhat “Save us from SLM Vxxxxxcare Singapore” ah tarlan a ni bawk.

August 1, 2019 aṭang Catrene hi Singapore a Eye Care Company pakhat SLM Vision Care Singapore ah hna a thawk ṭan. A hringtunu sawidan in Catrene hi a hnathawhna Company a a boss Darren Yo chuan a ti duhdah ṭhin hle a, ṭawngkam chhe tak tak in mi mawl/mi â leh mi chhaw tih te a ṭawngin a lo ankhum ṭhin a ti.

Hei bakah Catrene hi damloh vanga chawlh a lak in a weekend holidays pawh paih sak a tihkiam sak a nia, heng te hian amah ah rilru hrehawm leh natna nasa tak a thlen. A laina hnai boral vuina a tel tura Malaysia a kir pawn a boss hnen aṭang a hna a kir turin vawitam call dawng.

Inneihna hmang tura ni 6 chawlh a dil ah ni 4 chiah phal sak a ni. Mahse a chawlh hma hauh in hna aṭang ban a tawk. Contract bawhchhia ah puh zui in pawisa chawia Company ah S $ 1,000 lai pe tura hraittir alo ni bawk. Khing let turin amah chauh chuan a thei silo, hei vang hian a intihhlum phah ta ber nia hriat a ni.

Catrene thih aṭang kum a vei dawn hnu ah a nu chuan thu dik hailan tum in a bei. Singapore ah kal a duh viau na in passport leh pawisa a neih loh bakah hripui len lai a lo ni bawk. Mahsela vanneihthlak takin a fanu hnathawhna SLM Vision Care Singapore a thawk ṭhin midang nen intawng in a lo ṭanpui. Ministry of Labor ah complaint hi thehluh a ni.

Catrene thawhna a an boss chuan a nu in a fanu thihna a a puh ah hian a pha a, Catrene kha a hnathawh ṭhat loh vanga ban mai a nih thu a sawi. A thih aṭanga kum dawn a liam hnu ah khinna an siam chu phuahchawp leh intihmualpho tumna tiin a ṭang tlat thung. Ministry of Manpower lam hian Case hi chhui hna a thawk nghal bawk.

Singaporenewslive