Mizo Elite News hi ṭha i tihzawng a nih chuan min lo Follow dawn nia

Covid-19 Unit Nurse Chu Hrivei Te A Enkawlna Hospital Ah Vek A Boral

Mississippi a mi hun rei tak COVID-19 Unit Nurse hnathawk Elaine McRae, 63 chu damlo hrivei te a enkawlna damdawiin ah ngei chuan coronavirus kaihhnawih vang bawk in a boral ve leh.

Elaine McRae hi Gulfport Memorial Hospital ah cardiac observation nurse angin hna a thawk. Hri len tirh aṭang daih tawh khan midang nunna chhan turin ke a penchhuak a hri vei te enkawl turin a lo in volunteer tawp a ni.

August thla aṭang khan insawiselna a nei ṭan a, a blood pressure te a san bakah a tui tihna leh rim hriatna te chu an bo zo. Khawsikin a tlakbuak bawk.

A fimkhur em avangin a fanu Monica Erwin pawh a room ah awm tir a phal lo. Hetia a ṭhat loh chhoh aṭang kar khat hnu ah chuan thawk lamah harsatna a nei a, a oxygen levels chu 63% zetin a tlahniam bawk.

A lo thawhna damdawiin Gulfport Memorial Hospital ah bawk chuan hruai luh a ni a, ICU ah ventilator hmanga enkawl a ni. A hnu ah phei chuan a chuap pawh alo chhe tawh hle tih an hmuchhuak. Colleagues’ care ah ni 72 zet hun a hman hnu in November.5 khan a boral ta a ni.

Elaine McRae hian fa 4 a nei a, a fanu pakhat phei chu a boral hma hian a hnathawk ang zawm turin nursing license a nei hman. A fate pawhin an nu chu midangte ṭanpui tura inhawng leh inpe tak a nih thu sawiin an chhuang hle tih an sawi bawk. November 13 khan McRae hi a thlahna hun buatsaih a ni.

People