Mizo Elite News hi ṭha i tihzawng a nih chuan min lo Follow dawn nia

Trump An China Pul Hri Kian Hun A Nghakhlel, Joe Biden An Mipui Tam Tak An Thih Belh Mai Thei Tih A Sawi

President thar thlanna ah buaina a in mung mup mup mek karin hripui lah in chawlh zai reng rel a tum der si lo a. Lehlam ah inthlan boruak alo ni si, leh lamah Covid19 alo ni bawk nen, Trump tan pawh rilru a phir duh hle ang.

Moderna te chuan Covid19 Vaccine an enchhin chu a result an puangchhuak ve leh ta a, Vaccine an buaipui hi a landan ah rih chuan a ṭhat hmel dawn viau. He Vaccine hi 94.5% in a hlawhtling tih an puang.

Pfizer lam in Covid Vaccine an en chu 90% a a hlawhtlin thu an puan hnu lawk ah Moderna hian chanchin lawmawm tak hi an puangzar ve leh a ni.

President, Donald Trump pawh Vaccine thu thar hian a ti lawm hle. Trump phei chuan 95% effective a lo ti hmiah. Vaccine dang hlawhtling chu ropui a ti a, China pulh hri (China Plague) a rem a kian zai a rel hun tur hi a nghakhlel hle tih a tarlang. Trump hian Covid19 tiin a sawi ve duh der lo a, China pulhri a ti deuh ṭalh mai a ni.

Joe Biden pawhin Moderna Vaccine in beiseina thar dang a siam leh a, hetih lai mek hian American mipui te chu social-distancing leh Mask vuah ngaipawimawh a chhunzawm zel turin a ngen nghal.

Tin, Joe Biden hian Donald Trump an Election Result a pawm duh tlat lo chuan mipui te a nghawng theih thu a sawi. Power transition duh lo leh he hripui do kawnga an thawk ho lo a nih chuan mipui tam tak in an thih belh thei tih a sawi bawk.

“Thlasik hun thim takin min hmuak mek a, thil a awlsam hma in harsatna lian tak a thleng ang. Thawhhona a awm loh chuan mipui tam zawk nunna chan thei dinhmun ah an ding a ni” a ti a ni.

Mint