Mizo Elite News hi ṭha i tihzawng a nih chuan min lo Follow dawn nia

Rawlthar Pakhat Khaw En Laia Beih Tawkin A Lu Tan Chhum Sak A Ni

Misual te hi hremna pek an nih loh chuan an huangtau zual telh telh ṭhin.

India rama Uthangudi,Madurai ah rawlthar pakhat chu khaw en lai rengin misual rualin an bei a, an tihhlum hnu in a lu chu hriam hrei hmangin an tan chhum sak.

St Mary’s Church bul hnaih lawka thleng a ni a, misual kut tuar a nunna chan ta hi kum 22 a upa Solaiappan Nagar a cheng Muruganantham tia koh a ni.

Pathianni khan Muruganantham hi a ṭhian pakhat Muniasamy nen an chhuak dun a, biakin bul hnaia an kal lai chuan misual car a chuang te chuan an lo tibuai a, an ṭhian dun hian an tlanchhia.

Muruganantham hi umzuiin an man hnu ah an bei zui ta a ni. An sawisak hnu ah misual te hian a lu chu an tanchhum sak a, biakin hma lamah an lo hnuchhiah bawk.

A ṭhian Muniasamy erawh misual te lak aṭang hian a him hlauh a,Government Rajaji Hospital ah a tlan. Police team ten inquiry neiin an kal nghal. DCP (law and order) R Shiva Prasad pawh a hmun ah a kal a Muruganantham ruang hi Government Rajaji Hospital ah bawk endik tura lak a ni.

He tualthahna rapthlak tak hian tualchhung mite a ti thlabar hle bawk. Police ten tualthattu te lirthei ni ngeia rinhlelh an hnuchhiah chu an hmu tawh a, a chhung lam ah hriamhrei te pawh a awm bawk.

Police lam ten tualthattu te hi chhui hna an thawk mek zel a, case hi Keerathurai police station ah register a ni.

TOI