Mizo Elite News hi ṭha i tihzawng a nih chuan min lo Follow dawn nia

Covid-19 Ward A Kangmei Chhuak Ah Mi 10 In Nunna An Chan

Romania a Covid19 damlo enkawlna damdawiin ah kangmei chhuak in mi 10 ten nunna an chan a, midang 7 te chuan hliam na tak an tuar tih hriat a ni.

Kangmei chhuahna hi Piatra Neamt county hospital ah a nia,Emergency Situations Inspectorate, Irina Popa chuan thi zinga tam zawk hi Covid19 vei te an nih thu a sawi.

Damlo dangte an dinhmun ngaihtuahawm takin an awm mek a, medical staff te pawh an inhliam bawk. Hospital manager Lucian Micu chuan inhliam zinga Doctor duty chu damlo enkawl lai nunna chhan a tumna lamah na takin a inhliam a, a taksa 80% zet a kang (burn) thu a sawi bawk.

Kangmei hi Hospital chhunga electric circuit short vanga puh niin Romanian health minister Nelu Tataru chuan a sawi a,country’s national prosecutor’s office lam in kangmei chhuahchhan hi criminal manslaughter vang a nih theih thu ah investigation an nei nghal bawk.

Him dam zinga patient 6 te eastern Romanian city of Iasi a COVID-19 hospital ah transfer a ni. Doctor hliam tuar hi Bucharest damdawi in lam an panpui.

Piatra Neamt hospital hian intensive care unit hi floor dangah buatsaih leh turin ruahman a ni. Piatra Neamt hi Romania’s capital, Bucharest aṭang 219 miles vel bawra hla ah a awm. Covid19 ward a kangmei chhuak hi hriat tur a awm leh zeuh zeuh ṭhin bawk.

DM