Mizo Elite News hi ṭha i tihzawng a nih chuan min lo Follow dawn nia

Joe Biden Chuan Trump Chet Dan Mualphothlak A Ti, Eng Thil Mahin Thuneihna Chelh Turah Kawng An Dal Dawn Lo

Joe Biden leh Donald Trump te inchirh thehna boruak chuan zual lam ala pan zel mai sia. America mipui tan pawh an President thar tur chungchang hi a hrilhhaithlak lam zo zai deuh tawh mah mah a ni.

President thar dinhmun chelh turin Joe Biden a inbuatsaih mek. Hetih laiin Trump lahin a thuneihna aṭang awlsam taka chhuah mai a tum lo. Joe Biden chuan US President, Donald Trump chet dan chu a hawihhawm lo in zahthlak leh mualphothlak a tih thu a sawi a, chak lo zawk a ni tih a inpawm duh tlat lo hian a mawng a hlim mai zawk a ni a ti.

Trump hian duh lo eng ang mahse thil ni tawh chu a inthlak danglam tawh dawn lo a, thuneihna a ken kawh tur chu eng thil mah in a dal lo tur thu leh Trump ngei pawh in a tihbuaiphak loh tur thu a sawilang tel bawk.

Biden transition office chuan Thawhṭan khan president-elect hian British Prime Minister Boris Johnson, French President Emmanuel Macron, German Chancellor Angela Merkel leh Irish Taoiseach Micheál Martin te bakah Canadian Prime Minister Justin Trudeau te chu a be tawh a, “America is back” tiin a hrilh.

Hetih lai mek hian Trump chu Twitter lam ah a in hro sa nasa. An chak tur thu leh ballot chhiar a dik lo thu a sawi a. Trump hian vote dik tak chhiar se Joe Biden hi a hneh a ring. “We Will Win” tih chu Trump au hla ber a la ni mek zel.

CBNews