Mizo Elite News hi ṭha i tihzawng a nih chuan min lo Follow dawn nia

United State In President Thar A Nei, Trump An A Puanthuah A Tel A Ngai, Eng History Thar Nge An Rawn Siam?

Khawvel in a ngaihven leh hriat a chak em em US President thlanna neih mek chu result hriat theih a ni ta a, United State chuan President thar hmel a hmu.

Democratic ten hnehna changin Democratic Party candidate leh former vice president, Joe Biden (kum 77) chu United State President 46 na a ni ang.

Pennsylvania lam in Joe Biden chakna hi a ti chiang tawh a, chak turin 270 hmuh ngaiah Biden hian Electoral College Vote ah 284 zet a hmu tling tawh a, Trump an 214 a hmu. Donald Trump hian a puanthuah tela White House a chhuahsan mai a ngai ta.

National Public Radio (NPR) tarlan dan in Joe Biden hian US history ah presidential candidate dangte ai in vote pawh a hmu hnem daih zawk a,former President Barack Obama record chelh lai pawh a rawn break hial. President atan nemngheh a nih hun ah meuh chuan kum 78 ni tawh in America President upa ber a nih hmel ta bawk.

Biden Runningmate California Senator Kamala Harris pawhin History a siam ve nghal bawk a, hmeichhe zinga United State Vice President dinhmun luah thei hmasa ber a nih dawn bakah mihang (black) hmeichhia zingah leh African American in he dinhmun luah thei awmchhun a ni ang. Kamala Harris hi a nu Indian niin a pa hi Jamaican mi a ni thung.

President thlanna chungchang ah kum in hian thil felhlel leh dik tawk lo a pui sawi a tam a, vote chhiar dik loh leh Ballot paper bo tih ang reng a richhuak. Hei hi Republican lan ten ṭanfung pawimawh takah hmang mahse Trump pawlte hian chakna an chang zo ta chuang lo. Joe Biden leh Kamala Harris te rorelna hnuai ah hian America hi engtin nge a kal chhoh dawn tih pawh hriat a chakawm tawh khawp mai.