Mizo Elite News hi ṭha i tihzawng a nih chuan min lo Follow dawn nia

Russian President Vladimir Putin Chu A Hriselna Ṭhat Loh Vangin A Chawl Dawn, Kremlin Lam Erawh An Pha

Russian President Vladimir Putin chu a hriselna dinhmun derthawng leh ṭha vak lo anga sawi a ni a, hei vang hian President a nihna aṭang a chawlh tawh tur thu thuthar lakhawm tu ten an tarlang.

Russia hruaitu lu ber Putin (kum 68) hian Parkinson’s disease an tih natna a tuar niin an sawi a, a natna vang hian aman duh lo viau mahse a chawlh mai hmel an ti.

Professor Valery Solovei chuan Putin chungchang hi sawiin The Sun chanchinbu hnen ah Putin bialnu Alina Kabaeva leh a fanu pahnih ten Office hi chawl tawh zawk mai tura an nawr thu a hrilh a,a dinhmun a zirin kum thar January ah chuan a chawlh tawh mai rin a ni tih leh thuchiang puanzar thuai a ni dawn tiin an chhuah a ni.

Putin hian a kut leh ke pawh a hmang ṭha thei tawh meuh lo a, Pen hum tak ngial pawh a harsat ang hial in tarlan a ni bawk.

Putin chawlh tur thawm ri hian mitam tak beng a verh nasa a,Twitter ah phei chuan top trend hial ah a lan phah.

Hetia a chanchin tarchhuah a nih hnu reilo ah erawh Kremlin lam ṭawngchhuak ve nghal in, Putin chawl mai thei anga sawi leh ṭha lo viau a tarlan chu thu belhchian dawllo mai a nih thu in an sawi ve leh.

Zirtawpni khan Kremlin spokesman and deputy chief of staff Dmitry Peskov chuan Putin chu a ṭhat thu sawiin ‘excellent health’ tiin a puang a, thu lengvak nasa tak chu “awmze nei lo hul hual a ni. President chungah engkim a ṭha vek” tiin a rawn puangchhuak.

Putin natna vei Parkinson’s disease chungchang ah hian tun hi mipui ten an lo ngaihtuah leh sawi vawikhatna mai a ni tawh lo, an ram hruaitu lu ber hriselna hi an lo ngaihven ru reng tawh a ni awm e, President aṭang a chawlh leh chawlh loh chu kum thar ah chiang zawka hriat a beiseiawm.

DNA