Mizo Elite News hi ṭha i tihzawng a nih chuan min lo Follow dawn nia

​Khawi hmunah pawh Nise Tony Nena insual Ka hreh lo; Khabib Nurmagomedov

UFC lightweight champion lai Khabib Nurmagomedov chuan UFC 249 chu a hmun tur sawn a nih pawhin pawi a tih loh thu leh khawi hmunah pawh a hmachhawn tur Tony Ferguson chu a hmachhawn hreh loh thu a sawi.

Khabib leh Tony te hi thlaleh ni 18 (IST-ah ni 19) hian UFC 249-a inhmachhawn tur an ni a, main event-ah Khabib chuan a lightweight title chu Tony-a lakah humhim a tum dawn.

Coronavirus avangin tunlaiah khawvel a buai meka, UFC lam pawhin UFC 249 hma a an event pathum neih tura tih te chu tiam chin awm lovin an lo sawn hla tawha, UFC president Dana White chuan UFC 249 hi sawn an tum loh thu sawi mahse eng mah sawi lawk theih a ni chuang lo.

Khabib leh Ferguson-te intum tur hi vawi li lai a lo tlawlh tawha, UFC 249-ah erawh an in fight tawh ngei dawna a lan laiin Covid 19 avangin khawvel a buai leh ta si a, a vawi nga nan an in fight tur hi a tlawlh lovang tih a sawi theih loh.

Dana White chuan UFC 249 hi kaltlang pui ngei an tum thu a lo sawi tawha, engti kawng pawha thulh a tum loh thu sawiin, a hmun sawn a ngaih pawhin an sawn mai tur thu Dana hian a sawia, USA pawnah UFC 249 hi an nei mai lovang tih pawh a sawi theih loh.

Champion lai Khabib chuan, “Khawiah pawh kan in fight-na tur sawn mahse pawi tihna eng mah ka nei lo. US-ah hian duhthusam chu a ni a, a chhan chu thla khat leh a chanve vel ka cham mek tawh. Training ka nei renga, tun atanga ni 30 hnu vela insual tur kan ni; thla khat vel chiah chiah kan la neia, US-a insual ngei hi duhthusam chu ni mahse hmun danga sawn a nih pawhin pawi ka ti lo,” a ti.